ಸ್ನೇಹವನ್ನು ಸಾರ್ಥಕತೆಗೊಳಿಸಿದ ಹೆಚ್ .ಎಸ್. ಚಂದ್ರಮೌಳಿ
ಕೊವಿಡ್ ಎರಡನೇ ಅಲೆ ಕೊಡಗು ಜಿಲ್ಲೆಯಲ್ಲಿ ತೀವ್ರವಾಗಿ ಬಾಧಿಸಿದ ಸಂಧರ್ಭದಲ್ಲಿ ಕೊಡಗು ವೈದ್ಯಕೀಯ ವಿಜ್ಞಾನ ಸಂಸ್ಥೆಯ ಪ್ರಮುಖರೊಂದಿಗೆ ಸಮಾಲೋಚನೆ ನಡೆಸಿದ ಚಂದ್ರಮೌಳಿಯವರು ಮೂರನೇ ಅಲೆಯನ್ನು ಸಮರ್ಥವಾಗಿ ಎದುರಿಸಲು ಬೇಕಾದ ಸೌಲಭ್ಯಗಳನ್ನು ಪಟ್ಟಿಮಾಡಿ ತಮ್ಮ ಬಹುಕಾಲದ ಸ್ನೇಹಿತರಾದ ಮಂಡ್ಯ ಮೂಲದ ಅಮೇರಿಕಾ ನಿವಾಸಿಗಳಾದ ಸ್ಕೋಪ್ ಫೌಂಡೇಶನ್ ಮುಖ್ಯಸ್ಥರಾದ ನರಸಿಂಹ ಮೂರ್ತಿ ಹಾಗೂ ಅವರ ಪುತ್ರ ಅಮೇರಿಕಾದ ಆರೋಗ್ಯ ಸಚಿವಾಲಯದ ಉನ್ನತಾಧಿಕಾರಿಗಳಾದ ಡಾ.ವಿವೇಕ್ ಮೂರ್ತಿ ಅವರಿಗೆ ತಲುಪಿಸಿ ದೂರವಾಣಿ ಮುಖೇನ ನೆರವಿಗಾಗಿ ವಿನಂತಿಸಿದರು.
ಚಂದ್ರಮೌಳಿ ಯವರ ಬಗ್ಗೆ ಅಪಾರ ಗೌರವ ಹೊಂದಿದ ಮೂರ್ತಿ ಕುಟುಂಬ ತಕ್ಷಣವೇ ಸ್ಪಂದಿಸಿ ಕೊಡಗು ಜಿಲ್ಲೆ ವೈದ್ಯಕೀಯ ಸಂಸ್ಥೆಯ ಬೇಡಿಕೆ ಪಟ್ಟಿಯಲ್ಲಿದ್ದ ಸುಮಾರು ಎರಡು ಕೋಟಿ ರೂ ಮೌಲ್ಯದ ವೈದ್ಯಕೀಯ ಉಪಕರಣಗಳನ್ನು ಭಾರತಕ್ಕೆ ಕಳುಹಿಸಿ ತಮ್ಮ ಸ್ನೇಹಿತನ ಕೋರಿಕೆಗೆ ಮನ್ನಣೆ ನೀಡಿರುತ್ತಾರೆ .ಮುಂದಿನ ವಾರದಲ್ಲಿ ಇವು ಕೊಡಗು ವೈದ್ಯಕೀಯ ವಿಜ್ಞಾನ ಸಂಸ್ಥೆಗೆ ಹಸ್ತಾಂತರ ಗೊಳ್ಳುವ ಮೂಲಕ ಕೋವಿಡ್ ಮೂರನೇ ಅಲೆಯನ್ನು ಎದುರಿಸಲು ಕೊಡಗು ಸನ್ನದವಾಗಿದೆ .
ಈ ಹಿಂದೆ ಕೂಡ ಸ್ಕೋಪ್ ಸಂಸ್ಥೆ ಚಂದ್ರಮೌಳಿ ಯವರ ಕೋರಿಕೆ ಮೇರೆಗೆ ಕೊಡಗು ಜಿಲ್ಲೆಯ ಜನತೆಗೆ ವೈದ್ಯಕೀಯ ನೆರವು ನೀಡಿದ್ದರು. ತಮ್ಮ ಸ್ನೇಹದ ನೆರವನ್ನು ಜಿಲ್ಲೆಯ ಜನತೆಯ ಕಲ್ಯಾಣಕ್ಕಾಗಿ ಬಳಸಿದ ಚಂದ್ರಮೌಳಿ ಯವರ ಕಾಳಜಿಗೆ ಕೊಡಗಿನ ಜನತೆಯ ಪರವಾಗಿ ಧನ್ಯವಾದಗಳು. ಹಾಗೆಯೇ ಎರಡು ಕೋಟಿ. ರೂ. ಗಳ ಬೃಹತ್ ಮೊತ್ತದ ಸಕಾಲಿಕ ನೆರವು ನೀಡಿರುವ ನರಸಿಂಹ ಮೂರ್ತಿ ಮತ್ತು ವಿವೇಕ್ ಮೂರ್ತಿಯವರಿಗೆ ನಾವುಗಳು ಅಭಾರಿಯಾಗಿದ್ದೇವೆ. ಕೊವಿಡ್ ಆಸ್ಪತ್ರೆಯಲ್ಲಿ ಕನಿಷ್ಠ ವೇತನದಲ್ಲಿ ಹೆಚ್ಚಿನ ಕೆಲಸ ಮಾಡುತ್ತಿರುವ ಹೊರ ಗುತ್ತಿಗೆ ಆದಾರದಲ್ಲಿ ಕರ್ತವ್ಯ ನಿರ್ವಹಿಸುತ್ತಿರುವ ಸಿಬ್ಬಂದಿಗಳಿಗೆ ಯಾವುದೇ ಪ್ರಚಾರವಿಲ್ಲದೆ ಆರ್ಥಿಕ ನೆರವು ನೀಡಿರುವ ಚಂದ್ರಮೌಳಿ ಯವರ ಮಾನವೀಯ ಕಾರ್ಯ ಕೂಡ ಶ್ಲಾಘನೀಯ.
ಬರಹ: ✍️....ತೆನ್ನೀರಾ ಮೈನಾ
ನಮ್ಮ ಪತ್ರಿಕೋದ್ಯಮವನ್ನು ಬೆಂಬಲಿಸಿ
"ಸರ್ಚ್ ಕೂರ್ಗ್ ಮೀಡಿಯಾ"ದ ಜೀವನಾಡಿಯಾಗಿರುವ ಪ್ರತಿಯೊಬ್ಬ ಓದುಗರಿಗೆ ಪ್ರೀತಿಯ ಧನ್ಯವಾದಗಳು. ನಿಮ್ಮಂತಹ ಓದುಗರಿಂದಲೇ ಗ್ರಾಮೀಣ ಮತ್ತು ಕೃಷಿ ಪತ್ರಿಕೋದ್ಯಮವನ್ನು ಮುಂದೆ ಸಾಗಿಸಲು ನಮಗೆ ಸ್ಫೂರ್ತಿ ಸಿಗುತ್ತದೆ. ಗುಣಮಟ್ಟದ ಗ್ರಾಮೀಣ ಮತ್ತು ಕೃಷಿ ಪತ್ರಿಕೋದ್ಯಮವನ್ನು ಬೆಳೆಸಲು ಮತ್ತು ಗ್ರಾಮೀಣ ಕೊಡಗಿನ ಪ್ರತಿಯೊಂದು ಮೂಲೆಯ ರೈತರು ಮತ್ತು ಜನರಲ್ಲಿಗೆ ತಲುಪಿಸಲು ನಿಮ್ಮಂತಹ ಓದುಗರ ಬೆಂಬಲ ನಮಗೆ ಸದಾ ಬೇಕು. ನಿಮ್ಮ ಪ್ರತಿಯೊಂದು ಕೊಡುಗೆಯೂ ದೊಡ್ಡದಾದರೂ ಸಣ್ಣದಾದರೂ ನಮ್ಮ ಭವಿಷ್ಯಕ್ಕಾಗಿ ಮೌಲ್ಯಯುತವಾಗಿರುತ್ತದೆ.
ನಿಮ್ಮ ಉದಾರ ಕೊಡುಗೆಯನ್ನು ಈ ಸಂಖ್ಯೆಗೆ Google Pay ಮಾಡಿ: 98440 95648https://play.google.com/store/apps/details?id=com.searchcoorg.user.searchcoorg&hl=en_IN&gl=US
Search Coorg Media
Coorg's Largest Online Media Network
